ओखलढुङ्गामा फेरिदै तीज मनाउने शैली

ओखलढुङ्गामा पछिल्लो समय तीज मनाउने शैलीमा परिवर्तन देखिन थालेको छ । नाच गानका साथै भोज भतेर गरेर रमाइलाका साथ तिज मनाउँदै आएका यहाँका महिलाहरू अचेल गरिब, अशाहय तथा दुखीहरूलाई बिभिन्न सामाग्रीहरू वितरण गरेर तिज मनाउन थालेका छन ।

यसै क्रममा जिल्लामा क्रियाशील रहेका बिभिन्न महिला अधिकारकर्मीहरूको संस्थाले यही भदौ २ गतेका दिन सिद्धिचरण नगरपालिकाका अपाङ्गता भएकाहरूलाई बिभिन्न प्रकारका सामाग्रीहरू वितरण गरेका छन । जिल्लामा क्रियाशील रहेका महिला सुरक्षा जालो, ग्रामीण महिला जागरण र मेचीमहाकाली बुहारी संस्थाका सदस्यहरूको सक्रियतामा सिद्धिचरण नगरपालिका ३ का ८ जना अपाङ्गता भएकाहरूलाई सहयोग गरिएको हो ।

प्रत्येक सदस्यहरूले ५ सय रुपैयाँका दरले सहयोग रकम सङ्कलन गरेर सहयोग गरिएको महिला सुरक्षा जालोका सदस्य तथा जिल्ला समन्वय समिति ओखलढुङ्गाका सदस्य भिमकुमारी कटवालले बताएका छन । उनीहरूलाई बिस हजार रुपैयाँ बराबरको सामाग्री सहयोग सदस्य कटवालको भनाई रहेको छ ।

नगरपालिकाको एउटै वडामा रहेका ति ८ जना अपाङ्गता भएकाहरूलाई ट्रयाकसुट, चप्पल, मञ्जन, ब्रस र फलफूल वितरण गरिएको महिला सुरक्षा जालोका सदस्य तथा परिवर्तनशील महिला सामुदायिक संस्थाका अध्यक्ष पेमडोमा शेर्पाले जानकारी दिनु भयो ।

हरितालिका तीजको अवसरमा सिद्धिचरण ३ का एकै परिवारका जीवन राई, राजन राई, शन्ता राई र सन्तोषी राई सहयोग गरिएको ग्रामीण महिला जागरणका कार्यक्रम संयोजक विमला धमलाले बताएका छन । यसै गरि सिद्धिचरण नगरपालिकाकै सोही वडाका भीम बहादुर राई, राम कुमार राई, महेश बि क र उत्तम बि क लाई सहयोग सामाग्री वितरण गरिएको संयोजक धमलाको भनाई छ ।

महिला सुरक्षा जालोले विगत ३ वर्ष देखी नै तीजको अवसरमा बिभिन्न सामाजिक कामहरू गर्दै आएको छ । शुरुको आर्थिक वर्ष २०७९÷०८० मा ओखलढुङ्गा सामुदायिक मिसन अस्पतालमा उपचारमा रहेका बिरामीहरूलाई दर खुवाएर तीज मनाएको जालोका सदस्यहरूले गएको आर्थिक वर्षमा ओखलढुङ्गा कारागारमा रहेका कैदीबन्दीहरूलाई खाना खुवाएर तीज मनाएका थिए ।